الناس تخطي والشيوخ تعذرها

[size=21]القلب ما يشفيه طبٍ وتجبير
...........كسر القلوب يخسّر اللي كسرها
ضاعت حياتي بين شكٍ وتبرير
...........سيل النكادة لورد حبي غمرها
كلما نبت عودٍ خضر جاه تكسير
...........ماتت فروعي بانتظار لثمرها
بذلت روحي ما بدا مني تقصير
...........واعطيتك اللي خالصاتٍ دررها
واخذت منك كل لومٍ وتحقير
...........ومواجعٍ شبّت عليّ جمرها
ثم تعتذر لي بس يكفي معاذير
...........الناس تخطي والشيوخ تعذرها
وانا عذرتك والمفارق تباشير
...........دربك سهل لكن دربي وعرها
******
شوقي على برٍ ملته النواوير
...........بالليل نجماتٍ تغازل قمرها
ما غير شعري والدلال المباهير
...........صحبة مشاعر ما يجيها كدرها
والصبح نسرح بين ذود المغاتير
...........واغزل عباتي من نواعم وبرها
اخير لي من دنيتك والله آخير
...........دنيا على حلاتها زاد مرها
لا يا خفوقي وانتهض نهضة الطير
...........يوم الحباري ماخذاتٍ حذرها
انفض جناحك فوق ذل المخاسير
...........وابشر بعزك يوم تركب خطرها
ترى الليالي الحالكات المعاسير
...........صبحٍ ينوّر يوم يخلص سفرها
لولا المواجع ما اشتهر سالم الزير
...........وماكان الابيض لولا غامق سمرها
******
ويا بنت ياللي بين جمع الغنادير
...........قامت تباهت بي وفلّت شعرها
عهدٍ على روحي لعيونك أغير
...........غارات ذيبٍ ما يحسب لخطرها
وأفرّق جموعٍ وأدك الطوابير
...........وأقدح زناد العزّة ألهب شررها
ما دامني من روس قومٍ مناعير
...........ما داني الذلّة ولا اسقي شجرها
ربعي احسنيّة الله فرقهم عن الغير
...........مزنة بطيب الطيب ينزل مطرها
هم فزعتي لن عاكسنّي المقادير
...........يكفوني فزعة جنّها مع بشرها
حراحشة خوالدة جمّة البير
...........مشاقبة وعموش عزة فخرها
خزاعلة وزيود نفح النواوير
...........ستة قرومٍ مثل طلّة قمرها
خلايلة شديفات ريف المسايير
...........وغويري ذيبٍ ما تهايب خطرها
والزبون وعليمات يا سامعي غير
...........اوصافهم بالطيب يا هي كثرها
واذكر معاهم صقر ساكن بالكفير
...........دلبوحي روحي معه ماحلى اسرها
جعافرة مزبّنين المذاعير
...........ذعار خيل ٍ طب عداها ذعرها
اللابة اللي مثل نظم الاساطير
...........بالعز بين الناس ذايع ذكرها[/size]

تسلم ايدك

تسلم ايدك