لاتحرموني لذة النوم ياناس

هذي من قديمي وانا بلندن:
اقول
لا تحرموني لذة النوم ياناس
..........كفـّو العذل ما بالعذل من وناسة
ثلاثة اعوامٍ وانا شايب الراس
..........ما ترحمو اللي من الهوى شاب راسه
يا زيد ابن عدوان يا طيب الساس
..........ودي سلامي للذي زان ساسه
أصيل في عمره ما خده انداس
..........والخد في غيره يكثر مداسه
إذا حضر مع جيته دقت اجراس
..........قلبي..ياكن السعد قلبي باسه
ويفز له قلبي كما فز جرناس
..........شاف الحباري فار دمه حماسه
والا سجين ٍ فل من بين حراس
..........شاف الامل من عقب لحظات ياسه
هذا حبيبي بالبهاْ فاق الالماس
..........والشعر مسحوب ٍ زايد ملاسه
اشقر تناثر كلما هب نسناس
..........لون الفجر بالليل وقت انغماسه
ياما سهرنا بالهوى ما بنا أدناس
..........حب ٍ عفيف ٍ ما تشوبه دناسه
واليوم انا مالي مع الخل مجلاس
..........والعود الاخضر حان موعد يباسه

تسلم ايدك

شكرا عاشقة الاهلى

تسلم ايدك يا جااااااااااااااااااااامد

تسلم ايدك